Жаңа жылдық шырша – қыста тойланатын Жаңа жыл мейрамының негізгі нышаны.
Көңілге қуаныш, жүрекке шаттық сыйлайтын мереке. Әл-Фараби атындағы кітапханада «Парасат» кәсіподағының демеушілігімен қызметкерлердің балаларына арналған жаңа жылдық шырша өткізілді. Мереке қарсаңында кітапхананың екінші қабат фойесінде әсем безендіріліп, шырша құрылды, флипчартта жаңа жылдық тақырыптағы презентация көрсетілді. Мерекелік бағдарлама барысында балалар жаңа жылдық шыршаның айналасында билеп, Аяз Ата мен Ақшақарға өлеңдер оқып, ән айтып, естелік сыйлықтар алды. Мереке барысында ата-аналар да белсенділік танытып, балаларымен бірге ерекше сәттерді бастан кешірді.
