Құрметті оқырмандар!
Әл-Фараби атындағы кітапханамызда кітаптардан жасалған әдемі фотоаймақ ашылғанын хабарлаймыз. Енді сіздердің көркем әдебиет оқуға шабыттандыратын керемет кітап инсталляциясы тұсында естелік фотосуретке түсу мүмкіндіктеріңіз бар. Сонымен қатар бұл аймақта студенттерге арналып BookCrossing сөрелері, шахмат және тоғызқұмалақ ойындары орналастырылған.
Бұл фотоаймақты жасаудың мақсаты — кітаптардың өміріміздегі маңыздылығына назар аударту, жастарды кітап оқуға шабыттандыру және кітапханаға келушілерге фотосуреттер арқылы кітапқа, кітап оқуға деген сүйіспеншіліктерін білдіруге мүмкіндік беру. Біз бұл фотоаймақ кітапты бағалайтын және кітапханада өткізген кезі туралы жарқын естеліктер қалдырғысы келетіндердің сүйікті орнына айналатынына сенімдіміз.
Сіздерді Фараби атындағы кітапханада күтеміз! Фотоаймақ кітапхананың 2-қабатында орналасқан! Келіңіздер, суретке түсіңіздер және суреттеріңізбен әлеуметтік желілерде #ФарабиФотозона хэштегімен бөлісіңіздер.
