Әл-Фараби атындағы кітапхананың ұйымдастыруымен жоғары оқу орнына дейінгі білім беру факультетінде ҚазҰУ-ға қолжетімділік берілген «EDPHUB» компаниясының тағы бір ресурсы – ТжКБ мекемелері (колледждер) үшін арнайы әзірленген PROFбілім беру электрондық ресурсымен жұмыс істеу бойынша семинар-тренинг өтті. Шеберлік сағатты «PROFбілім беру электрондық ресурсы колледждің білім беру үдерісінде: мазмұн, қызметтер, аккредитация» тақырыбы бойынша PROFбілім беру электрондық ресурсының өкілі, «IPR Media» компаниясының және EDP HUB ЖШС-нің дамыту жөніндегі директоры Кутуева Вита Викторовна өткізді.
PROFбілім беру электрондық ресурсы (www.profspo.ru) – ТжКБ мекемелері (колледждер) үшін арнайы әзірленген электрондық ресурс. Шеберлік сағатта эксклюзивті мамандандырылған электрондық оқулықтарды, сондай-ақ колледждердің әртүрлі бағыттары бойынша мерзімді басылымдарды пайдалана отырып, сапалы білім беру мүмкіндіктері көрсетілді.
Іс-шараның ұйымдастырылуы мен өз деңгейінде өтуіне ат салысқан ҚазҰУ колледжінің тарапынан семинарға 50-ге жуық оқытушы мен студенттер қауымы қатысып, қашықтағы және бетпе бет форматтағы оқу процесін алуан түрлі жүргізу мен пайдаланушыларды тіркеу принциптеріне қатысты қойған сұрақтарына жауап алды. Семинардың барлық қатысушыларына сертификаттар берілді.
