Әл-Фараби атындағы кітапханада «Экологиялық қауіпсіздік жүйесінде экологиялық құқықтық тәртіпті қамтамасыз ету мәселелері» атты халықаралық ғылыми-тәжірибелік конференция өтті (Байсал оқулары 2023). Конференцияның мақсаты – экологиялық құқықтық тәртіпті және табиғи ресурстарды ұтымды пайдалануды қамтамасыз етудің өзекті теориялық мәселелерін, мемлекеттік органдар қызметіндегі құқық қорғау мәселелерін талқылау.
Осы іс-шараға байланысты әл-Фараби кітапханасы кітап көрмесін ұйымдастырды.
Көрменің мақсаты: конференцияға қатысушыларды, қонақтарды, студенттерді кітапхана қорындағы заң саласындағы кітаптармен таныстыру.
Көрме бөлімдері:
- «Экологиялық құқықтық тәртіп»
- «Қаржы құқығы»
- «Кеден құқығы»
Экологиялық құқықтық тәртіп. Қазіргі жағдайда экологиялық қауіпсіздікті қамтамасыз ету мәселесі табиғатқа антропогендік әсерді күшейту аясында ерекше өзектілікке ие болады. Адамның қоршаған ортаға осындай теріс әсерінің салдары жердің шөлейттенуі, топырақтың деградациясы, сарқылу, ластану, су ресурстарының бітелуі болып табылады. Конференцияны өткізудің басты мақсаты аграрлық, экологиялық және табиғи ресурстық заңнаманы жетілдірудің теориялық және тәжірибелік мәселелерін талқылау және оларды қазіргі заманға сай интеграциялық процестерде қолдану. Бұл бөлімге Байсаловтың кітаптары және тағы басқа кітаптар қойылды.
Қаржы құқығы. Қаржы құқығы — құқықтың жетекші және маңызды саласы. Қаржы мемлекеттің материалдық өмір сүру негізіне қызмет етіп, оның қызметін ақшалай қамтамасыз етудің қайнар көзі болып табылады. Қаржы тетіктері арқылы мемлекет елдің экономикалық дамуына белсенді ықпал етеді. Қаржы құқығы жоғарғы заң оқу орнының құқықтану мамандығының студенттеріне арналған міндетті пән болып табылады.
Кеден құқығы. Қазақстанның тәуелсіздік алып, егемендікке ие болуы жаңа заңдарды қажет етті. Ұлттық қауіпсіздікке байланысты жаңа құқықтық инфрақұрылымдардың құрылуы жаңа басты бағыттар мен заң шараларының қабылдануына алып келді. Осындай басты бағыттардың бірі – кеден жүйесі. Кеден құқығы — кеден органдарының мемлекеттік шекараны экономикалық қорғау және мемлекеттің сыртқы сауда мен кеден саясатын жүзеге асыру жөніндегі қызметін тәртіптейтін құқықтық нормалардың жиынтығы.
Көрме құжаттары: кітапхана қорынан 80-нен астам кітаптар мен мерзімді басылымдар.
