Әл-Фараби кітапханасында «Өмірімнің бағы едің» атты жаңа кітаптың тұсаукесері өтті. Кітап авторы заң ғылымдарының докторы, профессор Мұсабек Әлімбеков бұл еңбегін университетіміздің түлегі, журналист, жұбайы Бақыт Байдалықызына арнады.
Кітапта автордың өмірлік жолдасымен бірге өмір сүрген жылдар туралы естеліктер ғана емес, сонымен қатар жүрекке қымбат сәттерді бейнелейтін сирек фотосуреттер де бар.
Тұсаукесерге М.Әлімбековтың жұбайының достары мен курстастары қатысты, олар кейіпкер туралы жылы сөздермен бөлісті және ортақ студенттік шақтағы әсерлі сәттерді еске алды. Іс-шара қонақтары кітаптың ерекшеліктерін атап өтті.
Сонымен қатар тұсаукесерге қатысқан қонақтар – қаламгер журналистер Баян Болатханова мен Нұртан Төлепбергенұлы кітапханаға өздерінің кітаптарын сыйға тартты.
Іс-шара аяқталғаннан кейін осы кештің атмосферасын ұзақ уақыт сақтайтын естелік фотосуреттер түсірілді. Кітапхана директоры Жадыра Айдынғалиқызы кітап сыйлаған қатысушыларға кітапхана қорының дамуына қосқан үлесі үшін шын жүректен алғысын білдірді.
