Әл-Фараби кітапханасында Мағауова Ақмарал Сәбитоллақызының 60 жылдығына арналған «заманауи жаһандық трендтер контекстіндегі жоғары кәсіби білім» тақырыбында халықаралық дөңгелек үстел өтті.
Мағауова Ақмарал Сәбитоллақызы-ҚазҰУ Педагогика және білім менеджменті кафедрасының профессоры.Әл-Фараби, педагогика ғылымдарының докторы, профессор, Халықаралық педагогика ғылымдары академиясының академигі, Қазақ ұлттық жаратылыстану ғылымдары академиясының академигі, Қазақстан Республикасының Білім беру ісінің құрметті қызметкері, «Ажар» әйелдердің жетістіктеріне қоғамдық құрмет ұлттық сыйлығының лауреаты.
Осы іс-шараға байланысты әл-Фараби кітапханасы кітап көрмесін ұйымдастырды.
Көрменің мақсаты: 1) Конференцияға қатысушыларды, профессорлық-оқытушылық құрамды, университет студенттерін Мағауова Ақмарал Сәбитоллақызының ғылыми еңбектерімен (монографиялары, оқулықтары, мақалаларымен), сондай-ақ педагогика бойынша оқу және ғылыми әдебиетпен, ғалымдардың, педагогтардың жұмыстарымен, жарияланымдарымен таныстыру; 2) Көрмеге келушілерді кітапхана қорындағы қазіргі заманғы жоғары білімнің, біліктілікті арттырудың өзекті мәселелері бойынша оқу, ғылыми әдебиетпен, сондай-ақ педагогика және оқыту технологиялары бойынша заманауи әдебиетпен таныстыру.
Выставка состоит из 3 частей:
- Ұлағатты ұстаз
- Педагогикалық білім
- Оқытушы — профессорлар құрамының еңбектері
Ұлағатты ұстаз. Көрме А. С. Мағауованың ғылыми-педагогикалық шығармашылығын ашатын бөлімнен басталады. Бұл жерде А. С. Мағауованың орта және жоғары білім беруді ұйымдастыру бойынша жазған еңбектері қойылған. Ол еңбектерінде ғалым оқу үрдісінде оқушылардың коммуникативті құзіреттілігін қалыптастырудың психологиялық-педагогикалық жағдайына баса мән бере отырып, оны әлеуметке бейімделуінің негізгі шарты деп айқындайды. Сонымен бірге көрменің бұл бөлімінде А. С. Мағауованың «Әл-Фараби педагогикасы», «Педагогика аль-Фараби» атты фарабитану бағыты бойынша жасаған ғылыми еңбектері де ұсынылған.
Педагогикалық білім. Көрменің бұл бөлімінде Қазақстан ғалымдары мен педагогтарының ғылыми еңбектері – педагогика тарихы, педагогика бөлімдері бойынша монографиялары, жинақтары, оқу-әдістемелік құралдары қойылған. Мысалы, Н. С. Әлқожаеваның «Ғылыми педагогикалық зерттеулердің негіздері», Ж. Т. Сарыбекова, С. М. Үсенова, Т. А. Сағындықтың «Жоғары оқу орындарында инклюзивті білім беру», А. О. Мұхаметжанованың «Болашақ бастауыш сынып мұғалімдерін педагогикалық технологияларды пайдалануға даярлау», А. И. Гарбер, М. В. Демиденко, С. Қ. Бердібаеваның «Педагогикалық психология», С. Ғаббасовтың «Педагогика және психология негіздері» және т.б. кітаптары ұсынылды.
Оқытушы — профессорлар құрамының еңбектері. Бұл бөлменің мазмұндық салмағын ҚазҰУ-дың оқытушы-профессорлар құрамының монографиялары, оқулықтары, оқу құралдары мен басқа да ғылыми еңбектері, шетелдерде жарық көрген кітаптары және т.б. басылымдар құрайды. Олардың қатарында «Педагогикалық коучинг» : Оқу құралы (Қ. Ш. Молдасан, Ұ. Б. Төлешова), «Арнайы педагогика және психология негіздері» (З. Б. Мадалиева, Б. А. Әрінова), «Балалармен жұмыс жасаудағы арт-технологиялар» (З. Б. Мадалиева, М. К. Жолдасова), «Білім беру : модерн және постмодерн кеңістігінде (С. Ж. Еділбаева) және т.б. еңбектер ұсынылды.
Көрменің оқырмандық бағыты: Дөңгелек үстел қатысушылары, журналистер, студенттер мен профессорлық-оқытушылық құрам, докторанттар, магистранттар, т.б.
Көрме құжаттары: кітапхана қорынан 200-ге жуық кітап, мерзімді басылымдар.
Сіз сондай-ақ басқа да іс-шараларды көре аласыз: осы жерде
