2023 жылдың 22-23 қыркүйегінде университетімізде ESCAS-2023 аймақтық конференциясы өтті.
Осы іс-шараға байланысты әл-Фараби кітапханасы кітап көрмесін ұйымдастырды.
Көрменің мақсаты: конференцияға қатысушыларды, қонақтарды, студенттерді, магистранттарды кітапхана қорындағы Орталық Азиядағы билікпен мәдениетіне және гуманитарлық білімге байланысты кітаптармен таныстыру.
Көрме бөлімдері:
- «Орталық Азиядағы үздіксіз даму»
- «Әлеуметтік гуманитарлық ғылымдар»
- «Философия әлемі»
- «Педагогика мен психология»
- «Дінтану және мәдениеттану»
«Орталық Азиядағы үздіксіз даму». Конференция аясында саяси басқару, әлеуметтік даму, мәдени әртүрлілік, экономикалық және экологиялық тұрақтылық сияқты түрлі тақырыптар талқыланады. Қатысушылар өздерінің ғылыми баяндамаларын, зерттеулерін және осы мәселелерге байланысты практикалық мысалдарын, сондай-ақ, олардың ТДМ-мен байланысын ұсынады. Көрмеге орта Азия туралы кітаптар қойылды.
«Әлеуметтік гуманитарлық ғылымдар». Мемлекетіміздің тұрақты экономикалық және әлеуметтік дамуын қамтамасыз етудің негізгі жолы білім беру жүйесін жоспарлы түрде құру. Бүгінгі күнде ХХІ ғасырдың көшбасшы мемлекеті болу білім берудің тиімді жүйесін қалыптастыруда жатыр. Білім әлемдегі барлық мемлекеттердің негізгі басымдықтарының бірі. Сондықтан қазіргі бәсекелестік заманындағы шарттарда әлеуметтік-гуманитарлық білім берудің маңыздылығы жоғары Бұл бөлімге «Социология», «Социология города», «Әлуметтік философия» кітаптары қойылды.
«Философия әлемі». Көрменің бұл бөлімінде Қазақстан ғалымдары мен философтарының ғылыми еңбектері–философия тарихы мен бөлімдері бойынша монографиялары, жинақтары, оқу-әдістемелік құралдары қойылған. Мысалы, Г.Ж.Нұрышева «Философиялық антропология», М.Ш.Хасанов, В.Ф.Петрова, Б.А.Джаамбаева «Ғылым тарихы мен философиясы», С.Қ.Мырзалы «Философия әлемі», Ж.Алтаев «Ғылым тарихы мен философиясы», А. Рыскиева «Дәстүрлі түрік дүниетанымының рәміздік универсумы» және т.б. кітаптар орналасты.
«Педагогика мен психология». Педагогикалық психология – психологияның тәрбиелеу және оқыту жағдайындағы баланың психикалық іс-әрекетін зерделейтін сала.Бұл бөлімге педагогикамен психологияға қатысты кітаптар қойылды.
«Дінтану және мәдениеттану». Бұл бөлімде діннің қоғамдық нормалар мен құндылықтарды қалыптастырудағы рөлі, сондай-ақ діннің саясатпен, экономикамен және мәдениетпен өзара әрекеттесуі туралы кітаптар мен материалдар берілген.Сондай-ақ, бұл бөлім әртүрлі тарихи кезеңдердегі діннің өнерге әсерін қарастыруға мүмкіндік береді.
Көрме құжаттары: кітапхана қорынан 150-ден астам кітаптар мен мерзімді басылымдар.
Сондай-ақ әл-Фараби кітапханасында өткен іс-шараларды сілтеме арқылы көре аласыз: осы жерде
