«Жыл оқырманы» байқауына қатысыңыз!

Сіздерді университеттің «ҚазҰУ студенті оқуға тиіс 100 кітап» жобасы аясында жыл сайын өткізілетін  «Жыл оқырманы»  байқауына қатысуға шақырамыз!

Байқаудың мақсаты мен міндеттері:

Кітап оқудың маңыздылығын насихаттап, студент жастарды оқуға тарту, кітаптың  құндылығын ұғындырып, дәстүрлі  оқуды сақтау және дамыту,  кітапхананың мерейін арттыру, студенттер арасынан үздік оқырмандарды айқындау. Эстетикалық талғамы бай, ойы зерек, қиялы жүйрік, жан-жақты білімді оқырмандар санатын іріктеу.

Байқаудың шарттары:

І кезең. Байқау сұрақтары және эссе жазу. Жауап беру үшін электронды түрде БАЙҚАУ СҰРАҚТАРЫ сілтемесі арқылы толтырасыз немесе классикалық оқу залынан дәстүрлі қағаз түрінде толтыруға болады.

Эссе жазу. Студенттің шығармашылық, қаламгерлік қабілеттері осы кезеңде сыналады. Байқауға қатысушылар «100 кітап» тізіміне енген шығармалардан алған әсерінен туындаған шығармасын жазуы тиіс.Үздік шығармаларыңыз және 3х4 көлеміндегі фото  2017 жылдың 25 ақпанына дейін  denggelbayeva@gmail.com, manapbaeva198239@gmail.com,  Marfuga123qp@gmail.com  электронды мекен-жайларына қабылданады. Ең үздік эссе (шығармалар) және үзінділер «Әсерлі шығармалар – асыл ойдың өрнегі» және «Қызықты үзінділер»  жинақтарында, «Қазақ университеті» газетінде жарияланатыны жоспарланады.

ІІ кезең. Мәнерлеп оқу және шешендік өнер

  1. «100 кітап» тізіміндегі поэзия және прозалық шығармалардан үздік үзінділер оқылады (регламент 3 минут)
  2. «100 кітап» тізімі бойынша кез келген шығармалардан әділқазы алқасының мүшелері сұрақ қояды.

Қорытынды кезеңі. Әділқазылар алқасы қатысушы студенттердің жауап беру деңгейіне қарай, үздік  оқырмандарды және кітап оқу шеберіндегі түрлі «Жыл оқырманы», «Қазақ классикасын оқудағы үздік оқырман» «Шетел әдебиетін оқудағы озық оқырман», «Поэзия оқуларының майталман оқырманы», «Көркем сөздің шебері», «Әл-Фараби атындағы кітапхананың тұрақты оқырманы», «Әл-Фараби атындағы кітапхананың зияткер оқырманы» номинация иегерлерін анықтайды.

Ынталандыру. «Step by step» ағылшын курсы орталығынан тегін оқуға жолдамалар мен номинациялар бойынша марапаттау қағаздары беріледі.

Қосымша сұрақтар бойынша берілген телефон номерлерге хабарласыңыз: 8(727) 3931913, 87013583977 Денгельбаева Назгуль.