Біз туралы

Әл-Фараби кітапханасы – «ҚазҰУ қалашық» атымен танымал бірегей, әсем студенттік кампуста, қаланың көркем аудандарының бірінде орналасқан, әл-Фараби атындағы Қазақ ұлттық университетінің, еліміздің жетекші ЖОО құрылымдық бөлімшесі болып табылады.

Әл-Фараби атындағы ҚазҰУ кітапханасы 1934 жылы университеттің құрылуымен қатар жұмыс істей бастаған. ҚазҰУ кітапханасының барлық қызметі университеттің оқу және ғылыми үдерістеріне сапалы ақпараттық-кітапханалық қызмет көрсетуге, нәтижелілігіне, ұстанымының мықты болуына, университеттің имиджіне және инновациялық деңгейінің беделді болуына, элиталық ЖОО кітапханаларының қызметін көрсету деңгейіне сәйкес бағытталған.

2004 жылы 8 қыркүйекте Қазақстан Республикасының Президенті Н.Ә.Назарбаев пен Чехия Президенті Вацлав Клаус әл-Фараби кітапханасының жаңа ғимаратының іргетасын қалаған. 2012 жыл әл-Фараби кітапханасының тарихында ерекше жағдай, яғни Орталық Азиядағы бұрын-соңды болмаған жаңа технологиялық, коммуникациялық шешімдермен орайласқан шығыс стиліндегі элементтерімен ерекшеленетін заманауи ғимаратқа көшумен есте қалды.

1934 жылы кітапханада 6194 дана кітап болса, қазіргі уақытта 2 миллионнан аса кітап қоры бар. Жылдан-жылға кітапхана қоры жаңа басылымдармен толықтырылады. Кітапханамыздың ақпараттық инфрақұрылымында университетіміздің оқытушы – профессорларының ғылыми еңбектері, оқулықтар, монографиялар, диссертациялар, классикалық көркем және педагогикалы қәдебиеттер, сирек кездесетін кітаптар және XVI-XIXғғ. қолжазбалар, дәстүрлі және электронды тасымалдаушыдағы реферативті журналдар, 300 мың дана мерзімді басылымдар жинақталған.

Қорда сирек кездесетін әдебиеттер – 14306 дана, соның ішінде ескі орыс тілінде – 11370 дана, шетел тілінде – 2154 дана, ерекше пішіндегі – 782 дана кітаптар, авторефераттар мен диссертациялар, сонымен қатар, мағынасы өте қызық дін туралы Құран мен Библия және т.б. сақталған.

Кітапхананың жалпы аумағы – 17856 шаршы метр. Оның құрылымында 11 абонемент, 780 орынды 1850 шаршы метрлік классикалық оқу залдары, авторефераттар және диссертациялық жұмыстармен тұрақты толықтырылып отырылатын Магистранттар залы, жеке және топпен жұмыс жасауға арналған залдар, мерзімді басылымдар залы оқырмандарға қызмет көрсетеді.

Кітапхананың жалпы аумағы – 17856 шаршы метр. Оның құрылымында 11 абонемент, 780 орынды 1850 шаршы метрлік классикалық оқу залдары, көпшілік шаралар өткізуге арналған (кездесу, диспут, дөңгелекүстел) ғалымдар залы, авторефераттар және диссертациялық жұмыстармен тұрақты толықтырылып отырылатын Магистранттар залы, жеке және топпен жұмыс жасауға арналған залдар, мерзімді басылымдар залы оқырмандарға қызмет көрсетеді.

Оқырмандардың тиімді демалуларына арналған коммуникациялық-релаксациондық аймақтарға қосылған 75 орындық асханасы бар.

Кітапханада Шығыстың ұлы ойшылы әл-Фарабидің өмірі мен шығармашылығын насихаттайтын мұражайы, ұлы ғұламаның ғылыми-ағартушылық мұрасын зерттеумен айналысатын әл-Фараби Орталығы орналасқан.

Бүгінгі таңда, кітапхана университеттің ғылыми форумдар, конференциялар, тренингтер, халықаралық және республикалық деңгейдегі іс-шаралар өткізетін негізгі мәдени-ақпаратты білім орталығы. Күнделікті өмірдеде, мереке күндеріндеде әл-Фарабикітапханасы «Al-Farabi University Smart city» моделіне лайық болу үшін оқырмандардың мәдени ақпараттыққа жеттілігін қолдай отырып, көлемді әрі мәнді ақпараттарға қолжеткізулеріне жағдай жасайды!